Aqtóbede tsıfrlyq transformatsııa aıasynda jobalar iske asýda
«Poıyzdar qozǵalysyn basqarý ortalyǵy» – «QTJ» UK» AQ tsıfrlyq transformatsııasy basty jobalarynyń biri. Ol optıkalyq-talshyqty baılanys jelisi arqyly temirjol stantsııalarynyń qurylǵylaryn uzaq qashyqtyqtan basqarýǵa múmkindik beretin, magıstraldyq jeli ýchaskelerin mıkroprotsessorlardaǵy dıspetcherlendirýdiń qazirgi zamanǵy júıesimen jabýdy qarastyryp, temirjol baılanysy ortalyq pýnktteriniń analogty kólemdi jabdyǵyn qazirgi zamanǵy tsıfrlyq jabdyqqa aýystyrýǵa múmkindik beredi.
Joba aıasynda Aqtóbede aımaqtyq pılottyq polıgon qurylyp, ótken jyldyń qyrkúıeginde iske qosyldy. Ol batys óńiriniń bes: Aqtóbe, Atyraý, Mańǵystaý, Oral jáne Qyzylorda bólimsheleriniń dıspetcherlik ortalyqtaryn biriktirdi.
Búgingi kúni Ortalyqtyń mamandary Batys óńiri boıynsha Poıyzdar qozǵalysyn jedel ortalyqtandyrylǵan basqarýdy tabysty qamtamasyz etedi.
Serik Ábdenov polıgondy, poıyz dıspetcherleriniń jumys oryndaryn aralap kórdi, sondaı-aq Aqtóbege Oral, Atyraý, Mańǵystaý jáne Qyzylordadan qonys aýdarǵan qyzmetkerlerdiń turmystyq jaǵdaılarymen tanysty.
Dıspetcherlik toptardyń oryn aýystyrýy kezeń-kezeńimen ótti. Aqtóbe qalasyna kóshýge kelisken qyzmetkerler olarǵa kóshý kezinde turǵyn úıdi jalǵa alýǵa, joljúkti alyp júrýge jáne jańa jumys ornyna barý kezinde tólem alýǵa quqyq beretin «shaqyrylǵan qyzmetker» mártebesin aldy. Eger aýystyrý kezinde qyzmetker jalaqysy tómendese, onda oǵan burynǵy laýazymy boıynsha 1 jyl ishindegi ortasha jalaqysy saqtaldy. Budan basqa, Aqtóbe qalasyna kóshirilgen qyzmetkerlerdi tirkeý, olardyń balalaryn mektepke deıingi mekemeler men mektepterge ornalastyrý jáne t. b. boıynsha uıymdastyrý is-sharalary júrgizildi.
Aqtóbege jumys sapary aıasynda Serik Ábdenov sondaı-aq óńirdegi temirjol kásiporyndaryn aralap, belgi berý jáne baılanys dıstantsııasy, jol dıstantsııasy jáne elektrmen jabdyqtaý dıstantsııasy ujymdarymen kezdesýler ótkizdi.
Ol qyzmetkerlerge kórsetiletin qyzmetterdiń ekonomıkalyq tıimdiligin arttyrýǵa, bıznes-protsesterdi jetildirýge, kompanııa qyzmetin tsıfrlandyrý men avtomattandyrýǵa baǵyttalǵan «Tsıfrlyq transformatsııa» baǵdarlamasynyń negizgi tustaryn túsindirip, jobalar týraly aıtyp berdi.
«Jobalardy iske asyrý shyǵyndardy ońtaılandyrýǵa, qarjylyq turaqtylyqty qamtamasyz etýge, kompanııanyń quny men ınvestıtsııalyq tartymdylyǵyn arttyrýǵa, bul óz kezeginde qyzmetkerlerdiń eńbekaqysyn arttyrýǵa múmkindik beredi», - dep atap ótti Serik Ábdenov.
Transformatsııalaý baǵdarlamasynyń jobalaryn iske asyrý nátıjesinde 2021 men 2025 jyldary keminde 100 mlrd teńge mólsherinde taza paıda alý kútilýde.
