Aqtóbede bútin bir aýdan ortalyǵynyń halqy qaıyqpen qatynaýǵa májbúr
AQTÓBE. KAZINFORM - Oıyl aýdanynyń ortalyǵynda turǵyndar ózennan qaıyqpen ótip jatyr. Qatynas ýaqyty - 08:00-19:00 aralyǵy.
Oıyl aýdanynda ótkel keshe buzyldy. Ýaqytsha ótkel salynǵanymen, ol kópke uzamaı buzyldy.
— Oıyl ózeni arqyly ótetin ýaqytsha ótkeldi buzýǵa baılanysty kólik qatynasy toqtatyldy. Qazirgi tańda turǵyndardy qaıyq arqyly ótkizý jumystary júrgizilip jatyr. Qaıyq arqyly ótkizý tańǵy saǵat 08:00-den keshki saǵat 19:00-ǵa deıin jalǵasady. Ýaqytsha ótkel janynda arnaıy tehnıkalar men jergilikti atqarýshy organdar, Tótenshe jaǵdaılar departamentiniń kezekshilik pýnkti uıymdastyryldy, - dep habarlady Aqtóbe oblysy ákiminiń baspasóz qyzmeti.
Eske salsaq, keshe ýaqytsha ótkeldi sý shaıyp ketti.
Oblystyq TJD aýdan ortalyǵyna qosymsha qyzmetkerler men tehnıka jiberdi.
Ótkel nyǵaıtylǵanymen, birer saǵattan soń buzyldy.
Bul aýdanǵa aparar kópir byltyr jaramsyz kúıge túsip, jóndeý júrip jatyr.