Aqtóbede burynǵy sheneýnik adam zorlaýǵa oqtaldy degen kúdikke ilikti
AQTÓBE. QazAqparat - Aqtóbe oblystyq densaýlyq saqtaý basqarmasy basshysynyń burynǵy orynbasary Almat Ermaǵambetov 7 mıllıon teńge berip, eki qyzyn Nazarbaev ýnıversıteti men mektebine ornalastyrmaq bolǵan. Biraq ol aldanyp qalyp, jumysynan qýyldy. Qazir «Alaıaqtyq» baby boıynsha sot aldynda jaýap berip jatqan sottalýshy «Ermaǵambetov zorlaýǵa oqtaldy» dep sheneýniktiń ústinen aryz jazdy. Іs tergelip jatyr, dep habarlaıdy QazAqparat tilshisi.
Aqtóbedegi oblystyq densaýlyq saqtaý basqarmasynda 2014 jyldan beri basshynyń orynbasary qyzmetin atqarǵan Almat Ermaǵambetovtyń basy daýǵa qaldy. Úsh isi boıynsha Ermaǵambetovty qorǵap júrgen advokaty Raýshan Іztileýovanyń aıtýynsha, 7 mıllıon teńgeden astam aqsha alyp, qyzdaryn Nazarbaev ýnıversıteti men mektebindegi kýrsta oqytýǵa ýáde bergen Botagóz Bıekenova «zorlaýǵa oqtaldy» dep qarsy aryz jazyp, Zarechnyı polıtsııa bólimi isti tergeýdi bastaǵan.
«B.Bıekenova 5 adamdy aldaǵan. «Alaıaqtyq» baby boıynsha sot alynda jaýap berip jatqan ol meniń qorǵaýymdaǵy Almat Ermaǵambetovtyń ústinen qarsy aryz túsirdi. «Jynystyq qatynasqa túsýge oqtaldy» dep shaǵymdanǵan. Alǵashynda isti polıtsııa tergedi. Qazir Memlekettik qyzmet isteri jáne sybaılas jemqorlyqqa qarsy is-qımyl agenttigi tergep jatyr»,- dedi qorǵaýshy Raýshan Іztileýova.
Onyń aıtýynsha, burynǵy memlekettik qyzmetker Almat Ermaǵambetov qyzdarynyń bolashaǵyn oılap, ýnıversıtet pen mektepke tegin túsirýdi emes, sol oqý oryndarynda bilim alýy úshin arnaıy kýrstan ótýdi qalaǵan eken. Al ol qyzmet ýnıversıtet janynda aqyly bolǵan. «Otaǵasy A.Ermaǵambetov balalarynyń bolashaǵy úshin olardyń jaqsy oqý ornynda bilim alǵanyn qalady. Sóıtip, týystarynan, tanystarynan aqsha alyp, B.Bıekenovaǵa aqsha berdi. Al ol adamdy aldaı alady. Jaqsy kıingen, adamdardyń senimine kirgen. Aldanǵan adam beseý, al el aýzynda tek buryn memlekettik qyzmetker bolǵan Ermaǵambetov júr. Bul durys emes»,- dedi R.Іztileýova.
Aıta keteıik, Almat Ermaǵambetovke qatysty eki is sotta qaralyp jatyr. Ol bergen aqshasyn óndirip alý úshin aryzdandy .
Azamattyq iste, jumysyna qaıta ornalasýdy talap etip otyr. Al úshinshi qylmystyq is boıynsha, ıaǵnı, «adam zorlaýǵa oqtaldy» degen aıyp boıynsha tergeý bastaldy.
