Aqtóbede burshaq jaýyp, úılerdiń shatyryn tesip ketti
AQTÓBE. KAZINFORM – Yrǵyz aýdanynyń Jarma aýylynda elektr baǵanalary qulady, al Sheńbertalda úılerdiń shatyry tesilip qaldy.
Aqtóbe oblysy Yrǵyz aýdany Jarma aýylynda qatty jel turyp, jańbyr jaýǵan kezde 8 elektr baǵanasy qulap qaldy. Saldarynan turǵyndar túni boıy jaryqsyz otyrdy. Jaryq búgin ǵana jandy. Aýylda 39 úı bar, 200-den astam adam turady.
- Sheńbertalda 600-den astam adam turady. Bul aýylda burshaq jaýyp, úılerdiń shatyr jabyndysyn tesip ketken. Onda shyǵyndy anyqtaý jumysy júrip jatyr,- dedi Yrǵyz aýdanynyń ákimi Nurlan Qyzbergenov.
Aıta keteıik, 9–11 mamyr aralyǵynda Qazaqstannyń basym bóliginde kún qubylmaly bolady. Sınoptıkter jańbyr jaýyp, naızaǵaı oınaıtynyn boljap otyr.
