Aqtóbede burynǵy súıiktisin bopsalaǵan adam qamaýǵa alyndy
AQTÓBE. KAZINFORM – Aqtóbe oblysy polıtsııa departamentiniń uıymdasqan qylmysqa qarsy kúres basqarmasynyń qyzmetkerleri bopsalaý jáne jeke ómirge qol suǵý faktisiniń jolyn kesti.
Polıtsııaǵa Aqtóbe qalasynyń turǵyny aryzben júginip, buryn qarym-qatynasta bolǵan tanys er adamnyń onyń kelisiminsiz túsirilgen ıntımdik sıpattaǵy beınejazbalardy taratamyn dep qorqytyp, psıhologııalyq qysym kórsetip júrgenin habarlaǵan.
Jedel-izdestirý is-sharalarynyń nátıjesinde kúdiktiniń jeke basy anyqtalyp, ustaldy. Kúdikti kórshiles oblystyń 38 jastaǵy turǵyny bolyp shyqty.
Atalǵan fakti boıynsha jeke ómirge qol suǵýshylyq belgileri boıynsha sotqa deıingi tergep-tekserý bastaldy.
Kúdikti ýaqytsha ustaý ızolıatoryna qamaldy. Qazirgi ýaqytta oqıǵanyń barlyq mán-jaıyn anyqtaýǵa, sondaı-aq kúdiktiniń ózge de quqyqqa qaıshy áreketterge qatysy bar-joǵyn tekserýge baǵyttalǵan qajetti tergeý amaldary júrgizilip jatyr.
Polıtsııa azamattarǵa jeke ómirge qatysty málimetterdi taratý nemese olardy taratamyn dep qorqytý zańǵa qaıshy áreket ekenin jáne ol úshin zańda kózdelgen jaýapkershilik qarastyrylǵanyn eskertti. Osyndaı jaǵdaılarǵa tap bolǵan jaǵdaıda dereý polıtsııa organdaryna habarlasý qajet.
Aıta keteıik, Oralda bopsalaý jáne tonaýmen aınalysqan qylmystyq top quryqtaldy.
