Aqtóbede buralqy ıtter aýladaǵy qoı-eshkini tartyp ketti
AQTÓBE. KAZINFORM – Muǵaljar aýdany Juryn aýylynda buralqy ıtter qoı-eshkini tartyp ketti.
Aqtóbe oblysy Muǵaljar aýylynda buralqy ıtter eki úıge shyǵyn keltirdi.
Oblystyq veterınarııa basqarmasynyń habarlaýynsha, oqıǵa 17 qańtar kúni túsken keıin bolǵan.
— Mal ıeleri S. Moldashın men R. Tólepbaevtyń aıtýynsha, 17 qańtar saǵat 15:00–16:00 shamasynda 4 ıt aýlaǵa kirgen. S. Moldashınniń 3 bas qoıy men R. Tólepbaevtyń 4 qoıy men bir eshkisin shabýyldady. S. Moldashınniń bir qoıy óldi, eki qoıy jaraqattandy. R.Tólepbaevtyń 3 qoıy men eshkisi óldi, qalǵan bir qoıy jaraqattandy. Bul jerge Juryn aýyldyq okrýginiń ákimi, okrýgtiń ýchaskelik polıtsııasy, mal dárigeri baryp, S. Moldashın jáne R.Tólepbaevtyń ótinishi boıynsha aýyldyq okrýgte buralqy ıtterdi aýlaý uıymdastyryldy. Ólgen janýarlar mal qorymyna shyǵarylyp, joıyldy. Jaraqattanǵan qoılar antıbıotıktermen emdeledi, - dep habarlady Aqtóbe oblystyq veterınarııa basqarmasy.
Eske salsaq, Aqtóbe oblysy Mártók aýdanynda sharýa qojalyǵyndaǵy malǵa qasqyr shapty. Úsh bas qoıdy jaryp, 50 shaqty qoı bir-birin taptap tastady.