Aqtóbede býkmekerlik keńseni tonaǵandar 10 jylǵa sottalýy múmkin
AQTÓBE. QazAqparat - Aqtóbe qalasyndaǵy býkmekerlik keńsege shabýyl jasap, tonap ketken kúdikti ustaldy. Qazir onyń sybaılasy izdestirilip jatyr, dep habarlaıdy QazAqparat tilshisi.
Aıta ketsek, oqıǵa 9 naýryz kúni Shaıkenov kóshesi boıynda ornalasqan býkmekerlik keńsede bolǵan. Tańǵy saǵat 3-ten ketkende qolyna pyshaq tárizdi ótkir zat ustaǵan eki adam kassada otyrǵan qyzmetkerlerdi qorqytqan. Keıin 120 myń teńge men kassırdiń ámııanyn alyp ketken. Əmııanda 50 myń teńge bolǵan.
Ótken aptada qaraqshylyq shabýyl jasaǵan kúdikti ustaldy.
«Arada 18 kún ótkende, ıaǵnı 27 naýryzda polıtsııa qyzmetkerleri kúdiktilerdi anyqtady. Qaraqshylyq shabýyl jasaǵan oblys turǵyny ustalyp, odan jaýap alyndy. Qazirgi kezde ekinshi kúdiktini ustaý sharasy júrip jatyr. Osy oqıǵaǵa baılanysty Qylmystyq kodekstiń «Qaraqshylyq» baby boıynsha is qozǵalyp, tergeý júrip jatyr»,- dep habarlaıdy oblystyq ІІD baspasóz qyzmeti.
Eger kúdiktilerdiń kinási dáleldense, olar 5 jyldan 10 jylǵa deıin bas bostandyǵynan aıyrylady.
