Aqtóbede Birsýat ózekshesinde balyq qyryldy
AQTÓBE. KAZINFORM - Sýdan jáne balyqtan synama alynyp jatyr. Al balyq óleksesi jınalyp, joıylady.
Aqtóbe oblysy Yrǵyz aýdanyndaǵy Birsýat ózeginde balyq qyrylyp qaldy. Muny jergilikti turǵyndar kórip, vıdeoǵa túsirip alǵan. Beınematerıaldan sazan, shortan, alabuǵa, taban men bir buryshqa úıilip jatqan shabaqty kórýge bolady.
- Ózekshe boıynda balyq qalyp qoıǵan. Sol balyq qyrylyp qalyp tur. Sý deńgeıi kún ótken saıyn túsken. Bul ózekshege jan-jaqtan sý quımaıdy, kishkentaı. Endi tazartý jumysy júrgiziledi, synama alynady,- dep habarlady Yrǵyz aýdandyq aýyl sharýashylyǵy bólimi.
Tobyl-Torǵaı oblysaralyq basseındik balyq sharýashylyǵy ınspektsııasynyń habarlaýynsha, bekitilmegen sý aıdyndaryn jergilikti atqarýshy organ qadaǵalaıdy.
Eske salsaq, Atyraý oblysynyń Jylyoı aýdanynda qaldyq sýda qalǵan balyq shabaqtarynyń bir bóligi qyryldy.
Jaýapty mekemeler 21 myńnan astam móńke men sazan shabaǵyn qutqaryp, ózenge jiberse, 22,5 keli ólgen shabaq jınalyp, joıyldy.
