Aqtóbede birneshe basqarmanyń basshysy aýysty
AQTÓBE. KAZINFORM - Aqtóbe oblystyq Aýyl sharýashylyǵy basqarmasynyń basshysy qyzmetine Asylhan Ábtıev, al oblystyq Tilderdi damytý basqarmasyna Altynaı ıÝnısova taǵaıyndaldy.
Aqtóbede oblysynda búgin kadrlyq aýys-túıis boldy. Bul joly oblystyq basqarma basshylary aýysty. Aqtóbe oblystyq Aýyl sharýashylyǵy basqarmasynyń basshysy bolyp Asylhan Ábtıev taǵaıyndaldy. Ol 1999 jyly Batys Qazaqstan agrarlyq ýnıversıtetin agronomııa mamandyǵy boıynsha támamdaǵan.
- Eńbek jolyn 2000 jyly «Mamyr» sharýa qojalyǵynda agronom-esepshi bolyp bastaǵan. 2001–2005 jyldary Aqtóbe oblysynyń ishki ister organdarynda qyzmet atqardy. Kásibı qyzmetiniń eleýli bóligi óńirdiń agrarlyq salasymen baılanysty. 2005–2024 jyldary Aqtóbe oblysynyń aýyl sharýashylyǵy basqarmasynda eńbek etip, ósimdik sharýashylyǵy bóliminiń jetekshi jáne bas mamany, bólim basshysy, sondaı-aq basqarma basshysynyń orynbasary qyzmetterin atqardy. 2024–2025 jyldar aralyǵynda QR AShM Agroónerkásiptik keshendegi memlekettik ınspektsııa komıteti Aqtóbe oblystyq aýmaqtyq ınspektsııasyn basqardy. Sonymen qatar Almaty qalalyq aýmaqtyq ınspektsııasy basshysynyń orynbasary qyzmetin atqardy. 2025 jylǵy jeltoqsannan bastap jańa qyzmetke taǵaıyndalǵanǵa deıin Asylhan Ábtıev Qazaqstan Respýblıkasy Aýyl sharýashylyǵy mınıstrliginiń Agroónerkásiptik keshendegi memlekettik ınspektsııa komıteti Atyraý oblystyq aýmaqtyq ınspektsııasynda boldy,- dep habarlady Aqtóbe oblysy ákiminiń baspasóz qyzmeti.
Al Aqtóbe oblystyq mádenıet, arhıvter jáne qujattama basqarmasyn 6 jyl boıy basqarǵan Altynaı ıÝnısova oblystyq tilderdi damytý basqarmasyna aýysty.
- Eńbek jolyn 1994 jyly Aqtóbe oblystyq teleradıokompanııasynyń dıktory retinde bastaǵan. Keıin «Arna» aqparattyq baǵdarlamasynyń aǵa redaktory, Aqtóbe oblystyq halyq shyǵarmashylyǵy úıiniń metodısi qyzmetterin atqardy. 2012-2017 jyldary Aqtóbe oblysynyń mádenıet, arhıvter jáne qujattama basqarmasynda óner jáne tarıhı-mádenı mura bóliminiń basshysy boldy. 2017-2020 jyldary Aqtóbe qalalyq Mádenıet jáne tilderdi damytý bólimin basqardy, - dedi Aqtóbe oblysy ákiminiń baspasóz qyzmeti.
Sonymen birge búgin Aqtóbe qalasy Almaty aýdanynyń ákimi qyzmeti Muqanbetqalı Esenǵalıev taǵaıyndaldy.
Eske salsaq, búgin Yrǵyz jáne Mártók aýdandarynyń ákimi taǵaıyndaldy.
