Aqtóbede brakonerlerden 176 keli balyq tárkilendi

AQTÓBE. QazAqparat - Aqtóbede sý qoımasynan balyqty zańsyz aýlaǵan úsh adam ustaldy. Olardan 176 keli balyq tárkilendi, dep habarlaıdy QazAqparat tilshisi.

Aqtóbede polıtsııa qyzmetkerleri Qarǵaly sý qoımasy aýmaǵynda úsh er adamdy ustady.

Balyqshylardan jalpy salmaǵy 176 keli bolatyn 4 qap ártúrli tuqymdy balyq tárkilendi.

Kókserke - 87, sazan - 4, qara balyq - 3, móńke - 1 dana.

«Ustalǵandardyń aýmen balyq aýlaǵany anyqtaldy. Polıtseıler aýlar men qarmaqtardy, úrlemeli qaıyqty, sondaı-aq tirkemesi bar VAZ-21214 avtokóligin tárkiledi. Atalǵan fakti boıynsha sotqa deıingi tergeý bastaldy»,- dedi oblystyq PD baspasóz qyzmetkeri.

Eske salsaq, búgin Qarǵaly aýdany polıtsııasynyń kezekshi bólimine Qarǵaly aýdany Badamsha aýyly mańyndaǵy «Rojdestvo-Dóń» tas jolynyń boıynda ornalasqan qoqys polıgonynan qara polıetılen pakette shaqalaqtyń denesi tabylǵany anyqtaldy.

Qazir tergeý júrip jatyr. Polıtsııa anasyna izdeý jarııalady.