Aqtóbede bir jylda jarylǵysh zat týraly 20 jalǵan habarlama túsken

AQTÓBE. KAZINFORM - Qylmystyq ister boıynsha tergeý jalǵasyp jatyr. Keıingi tórt jylda tek 5 is sotqa jetken.

Aqtóbe oblystyq prokýratýrasynyń habarlaýynsha, byltyr túsken habarlamalardan soń birden is qozǵalǵan. Qazirgi kezde Qylmystyq kodekstiń «Terrorızm aktisi týraly kórineý jalǵan habarlaý» baby boıynsha tergep-tekserý jalǵasyp jatyr.

- Anonımdi habarlamalardyń avtorlaryn anyqtaý jáne ustaý boıynsha barlyq qajetti shara qabyldanyp jatyr. Sońǵy 4 jylda oblys sottary 5 tulǵaǵa qatysty 5 qylmystyq isti qarady. Sot tájirıbesin taldasaq, kóbine bas bostandyǵynan aıyrý túrindegi jaza taǵaıyndalady. Bas bostandyǵyn shekteý jazasy sırek kezdesedi. Mysaly 2023 jylǵy 16 sáýirde Ageıkın 102 nómirine qońyraý shalyp, ózi turatyn úıge bomba qoıylǵany týraly jalǵan habarlaǵan. Іshimdik ishken kúıi qońyraý shalǵan. Ageıkınge 2 jyl merzimge bas bostandyǵyn shekteý jazasy taǵaıyndaldy. Sot onyń óz isine ókinetinin, kinásin tolyq moıyndaǵanyn jáne buǵan deıin qylmystyq jaýapqa tartylmaǵanyn eskerdi,- dep habarlady Aqtóbe oblystyq prokýratýrasy.

Eske salsaq, byltyr qazan aıyndaa Aqtóbede órt sóndirýshiler eki kún qatarynan jalǵan habarlama aldy. 

Kóp uzamaı jarylǵysh zat týraly jalǵan habar bergen jasóspirim ustaldy.