Aqtóbede bir jylda 600-den astam jasóspirimge izdeý jarııalandy

AQTÓBE. KAZINFORM — Polıtsııa men eriktiler byltyr 1300-den astam adamdy izdedi. Onyń 658-i – kámeletke tolmaǵan balalar. Olardyń kóbi otbasyndaǵy daý-janjaldan soń belgisiz baǵytqa ketip qalǵan.

Ótken jyly polıtsııa bólimderine 1375 ótinish túsken. Qazirgi kezde tek eki adamnyń qaıda ekeni belgisiz kúıinde qalyp otyr. Aqtóbe oblystyq polıtsııa departamenti áleýmettik jeli arqyly Marııa Snegorenkoǵa jáne Medet Esjanovqa izdeý jarııalady. Krımınaldyq polıtsııa basqarmasy ekeýin de qylmys jasaǵany úshin izdep jatyr. Al ózgesi izdeý jumystarynan keıin tabyldy.

— Ótken jyly kámeletke tolmaǵan 658 bala izdeýde boldy. Polıtsııa qyzmetkerleriniń jedel ári úılesimdi jumysynyń, sondaı-aq qoǵamnyń belsendi qoldaýynyń arqasynda barlyq bala tabylyp, zańdy ókilderine tapsyryldy. Kámeletke tolmaǵandardyń úıden ketýiniń negizgi sebebi — otbasyndaǵy janjal, ata-ana men bala arasyndaǵy túsinispeýshilik, — dedi Aqtóbe oblystyq PD baspasóz qyzmetiniń ókili.

Aıta keteıik, ótken jyly izdeýde júrgen 1600-ge jýyq qylmysker ustaldy. Іshki ister mınıstrligi zań men tártipti qamtamasyz etý baǵytyndaǵy júıeli jumysty jalǵastyryp jatyr.