Aqtóbede bir jylda 3800-den astam adamnan qaterli isik anyqtaldy
AQTÓBE. KAZINFORM — Kóbi Aqtóbe qalasy men Muǵaljar aýdanynda tirkeldi.
Aqtóbe oblystyq densaýlyq saqtaý basqarmasynyń basshysy Erlan Sultangereevtiń málimetine súıenek, salýatty ómir saltyn nasıhattaý úshin bıýdjetten 32,5 mln teńge qarastyryldy. Túrli aýrýdyń aldyn alý, ony boldyrmaı, ýaqytyly tekserilýden ótýge úgitteý úshin 7 myń is-shara josparlandy. 2024 jyly óńir turǵyndarynyń ómir súrý uzaqtyǵy 74,9 jas bolsa, byltyr 75,2 jas boldy. Eń mańyzdy baǵyttyń biri — qaterlik dertti erte anyqtaý.
— 2025 jyldyń qorytyndysy boıynsha 3 828 adamnan onkologııalyq aýrý tirkeldi, ıaǵnı 100 myń turǵynǵa shaqqandaǵy kórsetkish 408,8-di qurady. Aýrýshandyq kórsetkish 2024 jylmen salystyrǵanda tómendegen. Alaıda Aqtóbe qalasy men Muǵaljar aýdany oblystyq kórsetkishten joǵary bolyp tur, — dep habarlady Aqtóbe oblystyq sanıtarııalyq-epıdemıologııalyq baqylaý departamenti.
Aıta keteıik, Qazaqstanda onkologııalyq naýqastardyń bes jyldyq ómir súrý kórsetkishi 65%-ǵa jetti.
Sonymen qatar, elimizde onkologııalyq aýrýdyń aldyn alýǵa arnalǵan qospa ázirlenip jatyr.
