Aqtóbede bir kúnde úsh adam sýǵa batyp ketti
AQTÓBE. KAZINFORM - Qaıǵyly oqıǵa Qobda, Temir jáne Muǵaljar aýdandarynda tirkeldi. Qazir tergeý júrip jatyr.
Aqtóbe oblystyq TJD baspasóz qyzmetiniń habarlaýynsha, Qobda aýylynan 4 shaqyrym jerdegi sý basqan aýmaqtan 1969 jyly týǵan er adamnyń, Temir aýdany Keńqııaq kentinde Temir ózeninen 1995 jyly týǵan er adamnyń, sondaı-aq Muǵaljar aýdany Embi qalasynda Jem ózeninen 1984 jyly týǵan er adamnyń denesi tabyldy. Olardyń bárin de sýdan kýágerler shyǵardy.
- Aldyn ala málimet boıynsha olar belgisiz jaǵdaıda sýǵa batyp ketken. Biriniń ishimdik ishkeni anyqtaldy. Oqıǵa oryndarynda jedel-tergeý toptary jumys júrgizdi. Árbir oqıǵanyń mán-jaıyn anyqtaý maqsatynda sot-medıtsınalyq saraptama taǵaıyndaldy, - dep habarlady Aqtóbe oblystyq TJD baspasóz qyzmeti.
Eske salsaq, Óskemende 19 jastaǵy jigit sýǵa batyp ketti. Jigittiń denesin súńgýirler alyp shyqty.
