Aqtóbede bir kúnde eki bala terezeden qulap ketti

AQTÓBE. KAZINFORM – Eki bala da din aman. Polıtsııa ata-analardy saq bolýǵa shaqyrdy.

Aqtóbe qalasy Eset batyr turǵyn alabynda 6 jastaǵy bala ekinshi qabattan qulap tústi. Muǵaljar aýdany Qandyaǵash qalasynda 4 jasar bala úshinshi qabattan qulady.

- Eki jaǵdaıda da balalar bir sátke eresekterdiń nazarynan tys qalyp, terezedegi shybyn-shirkeıge qarsy tordy ıterip qalyp, qulaǵan. Qýanyshqa qaraı, balalardyń densaýlyǵyna zııan kelgen joq,- dedi Aqtóbe oblystyq polıtsııa departamenti Qoǵamdyq qaýipsizdik basqarmasynyń erekshe tapsyrmalar jónindegi aǵa ınspektory Rýslan Naýryzbaev.

Aıta keteıik, Astanada balalardyń terezeden qulaýy keıingi úsh jylda kóbeıgen. Bul týraly № 2 kópbeıindi qalalyq balalar aýrýhanasy dırektorynyń orynbasary Medet Nuǵmanov málimdedi.