Aqtóbede bir kún buryn habarsyz ketken erli-zaıyptynyń denesi tabyldy

AQTÓBE. KAZINFORM — Áıeldiń denesinde zorlyq belgileri bar. Al er adam asylyp qalǵan.

Aqtóbede keshe 40 jastaǵy Amanjol Almaǵanbetov, onyń áıeli Gúljahan Shektibaeva iz-túzsiz ketip, izdeý jumysy júrgizildi. Olar Aqtóbe qalasy 41-razezdegi úıinen shyǵyp, habarsyz qalǵan. Búgin ekeýiniń de denesi qala shetinen tabyldy.

— Polıtsııa 1986 jyly týǵan áıeldiń zorlyq belgileri bar denesi tabylýyna baılanysty qylmystyq is qozǵady. Odan keıingi is-sharalar barysynda kúıeýi asylyp turǵan kúıinde tabyldy. Oqıǵa ornynda jedel tergeý toby jumys júrgizip jatyr. Qajetti protsestik áreketter jasalyp, aýmaq tekserilip, zattaı dáleldemeler jınaqtalyp jatyr. Tıisti sot-medıtsınalyq saraptamalar taǵaıyndaldy, — dep habarlady oblystyq PD baspasóz qyzmeti.

Eske salsaq, Aqtóbede bıyl dáriger joǵalyp, keıin onyń denesi tabyldy. Kúdikti ózimen birge jumys istegen meıirger bolyp shyqty. Ol marqum Abaı Aısaǵalıevtiń bet-álpetine uqsaıtyn sılıkon maskany tapsyryspen aldyryp, keıin ony paıdalanǵan. Sottalýshy 20 jylǵa bas bostandyǵynan aıyryldy.