Aqtóbede bir eldi mekenniń turǵyndary evakýatsııalandy
AQTÓBE. KAZINFORM - Shalqar aýdanyndaǵy Búırektóbe (67 razezd) eldi mekeniniń turǵyndary evakýatsııalandy.
Shalqar aýdanynda Qaýyljyr ózeni tasydy. Sýdyń kóterilýi Ulpan jáne Búırektóbe eldimekenderine qaýip tóndirdi. Munda qutqarý jumystaryn júrgizýge 50 adam men 2 tehnıka jumyldyryldy. Temirjol jáne ákimdik qyzmetkerleri kúni-túni jumys istedi. Nátıjesinde Ulpan aýylynda qaýip seıildi, al Búırektóbeniń turǵyndary evakýatsııalandy.
-Qalpyna keltirý poıyzy jumyldyrylyp, turǵyn úılerdi saqtaý úshin 2 myń qap ınertti materıal daıyndaldy, sý bógeý jumystary júrgizildi. Shalqar qalasynan 9 shaqyrymdaǵy Búırektóbe eldi mekeninde 6 úı, 13 adam turady. Onyń ishinde 4 turǵyn úıdiń kireberis bólmelerine sý kirdi. Qazirgi tańda 6 adam evakýatsııalandy. Bul aýmaqta temir jol salasynyń 30 qyzmetkeri, №7 ÓSB 5 qyzmetkeri evakýatsııalaý jumystaryn júrgizdi ,- dep habarlady Aqtóbe oblysy ákiminiń baspasóz qyzmeti. Adamdar Shalqar qalasyna evakýatsııalandy.
Eske salsaq, Aqtóbeniń Temir aýdanyna QR TJ vıtse-mınıstri Erlan Nurpeıisov kelip, aýdanda shtabqa basshylyq etti. Munda 7 úıge, 7 kóshe men 25 aýlaǵa sý kirdi.
