Aqtóbede bir basseınde eki adam kóz jumdy

AQTÓBE. KAZINFORM – Polıtsııa eki túrli ýaqytta bolǵan oqıǵa boıynsha da Qylmystyq kodekstiń «Qaýipsizdik talaptaryna saı kelmeıtin taýarlardy shyǵarý nemese satý, jumystardy oryndaý ne qyzmetter kórsetý» baby boıynsha is qozǵady. 

Aqtóbe qalasyndaǵy jeke basseınderdiń birinde 27 jastaǵy er adam kóz jumdy. Osy oqıǵadan soń polıtsııa birden Qylmystyq kodekstiń «Qaýipsizdik talaptaryna saı kelmeıtin taýarlardy shyǵarý nemese satý, jumystardy oryndaý ne qyzmetter kórsetý» baby boıynsha is qozǵalyp, tergeýdi bastady. Osy aptada dál sol basseınde 38 jastaǵy er adam kóz jumdy.

– Ekinshi oqıǵa boıynsha da Qylmystyq kodekstiń «Qaýipsizdik talaptaryna saı kelmeıtin taýarlardy shyǵarý nemese satý, jumystardy oryndaý ne qyzmetter kórsetý» baby boıynsha is qozǵaldy. Saraptama qorytyndysyna súıensek, er adam júrek-qan tamyrlary jetispeýshiliginen kóz jumǵan. Sotaldy tergeý kezinde nysan ákimshiliginiń jumysyna, sonyń ishinde qaýipsizdik talaptarynyń oryndalýyna qatysty quqyqtyq baǵa beriledi. Sonymen birge adam ómiri men densaýlyǵyn saqtaý úshin tehnıkalyq qaýipsizdikti qamtamasyz etý jóninde uıǵarym berildi, - dep habarlady oblystyq PD baspasóz qyzmetiniń jetekshisi Erbolat Sarqulov. 

Aıta keteıik, bıyl shildede Atyraýdaǵy basseınde hlordan ýlanýdyń yqtımal deregi tirkeldi. Medıtsınalyq kómekke júgingen 14 adamnyń 3-eýi aýrýhanaǵa jatqyzyldy.