Aqtóbede bir aıda 16 kólik órtenip ketti

AQTÓBE. KAZINFORM – Aqtóbede jeńil kólikter jıi órtenedi. Bir aıda 16 kólik janyp ketti. 

Aqtóbe oblystyq TJD bastyǵynyń orynbasary Aıbat Jańabergenovtiń aıtýynsha, órt kóbine suıytylǵan gazben júretin kólikterde tirkeledi. 

– Qańtar aıynan beri 16 kólik órtendi. Bul byltyrǵyǵa qaraǵanda kóp. Kóbine elektr jabdyqtarynyń qysqa tuıyqtalýy, órt sóndirý quraldarynyń bolmaýy, akkýmýlıatordyń ýaqytyly tekserilmeýinen bolyp tur. Qysta kólik quraldaryn jıi tekserip turý kerek, - dedi Aqtóbe oblystyq TJD bastyǵynyń orynbasary Aıbat Jańabergenov. 

Aıta keteıik, Aqtóbe oblysynda byltyr kólikterde 152 órt tirkeldi. Materıaldyq shyǵyny – 37 mln teńge. Órtengen kóliktiń kóbi – jeńil kólik. 

– Qazir ekiniń biri suıytylǵan gazben júredi. Keıbirinde ornatylǵan gaz qurylǵysy tirkelmegen bolyp shyǵady. Mundaı derekterdi polıtsııaǵa jiberemiz. Eger kólik gazben júrse, jarylyp ketýi múmkin. Órt sóndirý kezinde munyń bári eskeriledi, - dedi oblystyq TJD basqarma bastyǵy Evgenıı Ovcharksıı. 

Eske salsaq, qańtar aıynda Aqtóbe qalasynda eki tehnıkalyq qyzmet kórsetý ortalyǵy órtendi. Onda 4 kólik janyp ketti.