Aqtóbede bozbala 19 jastaǵy jigittiń moınyna eki ret pyshaq suqqan
ASTANA. QazAqparat - Aqtóbede 17 jastaǵy bozbala 19-daǵy jigittiń moıyn tusyna eki ret pyshaq suqqan, dep habarlaıdy QazAqparat Qazaqstan Respýblıkasy ІІM baspasóz qyzmetine silteme jasap.
«22 qazan kúni saǵat 17.30 shamasynda 17 jastaǵy jasóspirim «Keruen City» OSO-nyń ekinshi qabatynda 19 jastaǵy jigittiń moınyna eki ret pyshaq suqqan.
Jábirlenýshi Jedel járdem aýrýhanasyna jatqyzyldy» delingen habarlamada.
Málimetke saı, osy fakti boıynsha QK-niń 24-99-baby 1-bóligimen sotqa deıingi tergeý bastaldy. Kúdikti ýaqytsha ustaý ızolıatoryna qamaldy.
Foto: polisia.kz
