Aqtóbede boıjetkenniń 2,5 mln teńgesin urlaǵan kúdikti Oraldan ustaldy
AQTÓBE. QazAqparat - Batys Qazaqstan oblysynyń turǵyny Aqtóbede iri somada aqsha urlaǵan, dep habarlaıdy QazAqparat.
Bul jaıynda Aqtóbe oblystyq polıtsııa departamenti Instagram paraqshasynda málimet taratty.
15 jeltoqsan saǵat 15.55 shamasynda 102 jelisine habar tústi. 24 jastaǵy jábirlenýshiniń aıtýynsha, 101 atqyshtar brıgadasy kóshesindegi kafede belgisiz bireý ústel ústinde jatqan rıýkzaktaǵy qomaqty aqshany urlap ketken.
Kelgen patrýl polıtsııasyna boıjetken rıýkzakta 4.100 AQSh dollary jáne 824 myń teńge somasynda aqsha bolǵanyn habarlady.
Jalpy shyǵyn - 2,5 mln teńge.
Jedel izdestirý sharalarynyń nátıjesinde kúdikti anyqtaldy. Ol qylmys jasalǵannan keıin Batys Qazaqstannyń Oral qalasyna ketip qalǵan.
Kórshi oblysqa attanǵan jedel ýákilder Oral qalasynyń 32 jastaǵy turǵynyn ustap, polıtsııa bólimine jetkizdi.
Atalǵan fakti boıynsha QR QK 191-baptyń 3-bóligi boıynsha sotqa deıingi tergeý amaldary júrip jatyr.
Kúdikti Aqtóbe qalasynyń ýaqytsha ızolıatoryna qamaýǵa alyndy.
