Aqtóbede bosanǵan áıel klınıkalyq ólim men komadan aman qaldy
ASTANA. QazAqparat - 23 jastaǵy aqtóbelik Tamara Goretskaıa qyzyn týǵannan keıin perzenthanada 41 kún jatqan, onyń 16 kúnin komada ótkizdi, dep habarlaıdy QazAqparat «Dıapazon» gazetine silteme jasap.
Tamara Goretskaıa 16 qyrkúıekte júktiliktiń 8-shi aıynda oblystyq aýrýhanaǵa tústi. Atalmysh aýrýhananyń bas dárigeriniń orynbasary Vladımır Avramenkonyń sózine qaraǵanda, onyń búıreginde aqaý bolǵan jáne ol isinip ketken. Ýchaskelik dáriger basy aýyryp, isigi kúsheıgen jaǵdaıda jedel járdem shaqyrý qajettigin eskertken. Alaıda Tamara dárigerlerdiń kómegine kesh júginip, derti asqynyp ketken.
«Bizge jetkizilgende ol komada boldy, - dedi Vladımır Avramenko. - Narkoz berip, keser tiligimen bosandyryp aldyq. Salmaǵy 1,5 kelini quraıtyn qyz dúnıege keldi, alaıda anasyn qutqarý kerek boldy. Áıeldiń mıy isindi, al onda barlyq mańyzdy ortalyqtar ornalasqan- tynys alý, qozǵalý. Osy isik saldarynan júregi toqtady. Áıel klınıkalyq ólimdi bastan keshirdi. Ol 16 kún komada boldy. Klınıkalyq ólim 5 mınýtqa sozyldy. Eger taǵy bir mınýt bolǵanda ólip keter edi. Júrek ottegisiz 5 mınýt qana ómir súre alady».
Tamara Goretskaıa perzenthanada 41 kún jatty. Komadan keıin óz-ózine kelgende júre almaǵan, qoldary jumys istemedi. Barlyǵyna qaıta úırenýge týra keldi. Búgin Tamarany aýrýhanadan shyǵardy, alaıda kelesi aptada ol qaıta aýrýhanaǵa jatýy tıis. Nevrologııa bóliminde oǵan qalypqa kelýge kómektesedi. Qyzy Rıta 40 kúnde salmaq jınady. Anasy emdelgenge deıin ony ájesi kútedi.
