Aqtóbede borandy kúni jolda qalǵan adamdar qutqaryldy

AQTÓBE. QazAqparat - Aqtóbede boryndy kúni jolda qalǵan 15 adamǵa qutqarýshylar kómektesti, dep habarlaıdy QazAqparat tilshisi.

3 qańtarda Qutqarý qyzmetiniń pýltine Hromtaý aýdany Dóń aýylynan 55 shaqyrym jerde birneshe kólik qar qursaýynda qalyp qoıǵany týraly habarlama tústi. Aýdandyq qutqarýshylar TREKOL tehnıkasymen oqıǵa ornyna jedel jetti.
«Oqıǵa ornyna barǵan tótenshe jaǵdaılar qyzmetkerleri 15 adamdy, onyń ishinde 1 balany qutqaryp, qar qursaýynan 5 jeńil avtokólikti shyǵardy. Sonymen birge saǵat 19:30-da Badamsha-Jangeldi eldi mekenderiniń arasynda aýa raıynyń qolaısyzdyǵynan Nıva markaly avtokólik qar qursaýynda qalyp qoıdy. Qutqarýshylar olarda janar-jaǵar maıdyń taýsylǵanyn, sóıtip 4 saǵat boıy turyp qalǵanyn anyqtady. 2003 jáne 2004 jyly týǵan eki jasóspirimdi qutqaryp, Badamsha aýylyna jetkizdi» , - dedi oblystyq TJD baspasóz qyzmeti .

Aqtóbe oblystyq tótenshe jaǵdaılar departamenti eskertý jarııalanǵanda alys jolǵa shyqpaýdy eske salady.

Eger tótenshe jaǵdaıǵa tap bolsańyz, onda mashınanyń avarııalyq sıgnaldaryn qosyp, «112» qutqarý qyzmetine dereý habarlaý qajet.