Aqtóbede borandy kúni 100-den astam adam evakýatsııalandy

AQTÓBE. QazAqparat - Aqtóbede Samara - Shymkent tasjoly jabylyp, jolda qalǵan kóliktegi adamdar evakýatsııalandy, dep habarlaıdy QazAqparat tilshisi.

Ótken táýlikte aýa raıy kúrt buzylyp, Samara - Shymkent tasjolynyń birneshe bóligi jabyldy. Qutqarýshylar jedel áreket etip, qar qursaýynan 9 adam qutqaryldy. Taǵy 106 adam evakýatsııalandy.

«Barlyǵy 7 eldi mekende 15 jeńil kólik, 366 júk kóligi, 7 jolaýshylar avtobýsy toqtatyldy. 112 qutqarý qyzmetinen 106 jolaýshysy bar 2 avtobýs júrgizýshisi kómek surady. Qutqarýshylar Ózbekstan azamattaryn Áıteke bı aýylynyń meshitine ornalastyrdy», - dep habarlady oblystyq TJD baspasóz qyzmeti.

Sonymen birge, Muǵaljar aýdany ortalyǵynan 60 shaqyrym qashyqtyqta ornalasqan aýylda 24 jastaǵy júkti kelinshekke kómek qajet boldy. Qutqarýshylar áıeldi Qandyaǵash qalasynyń aýrýhanasyna aman-esen jetkizdi. Aqtóbe oblysynyń TJD jolǵa shyǵar kezde habarlamalardy eskerýdi suraıdy.
Eske salsaq, bıyl qutqarýshylar jolda qalǵan adamdardy jylytý beketterine jetkizip, kómek kórsetý jumystaryn birneshe ret júrgizdi. Aqtóbe oblysynyń 7 aýdanynda barlyǵy 596 jeńil avtokólik, 1 339 júk kóligi, 23 jolaýshylar avtobýsy toqtady. TJD kúshimen qar qursaýynda qalǵan avtokólikterden 13 adam qutqaryldy. Barlyǵy 520 adam evakýatsııalandy jáne 8 jylytý beketine ornalastyryldy.