Aqtóbede borandy kúni júrgizýshiler tóbelesip, bir adam aýyr jaǵdaıda aýrýhanaǵa tústi

AQTÓBE. KAZINFORM – Borandy kúni Samara-Shymkent tasjolynda júrgizýshiler tóbelesip qaldy. Biri dene jaraqatyn alyp, aýrýhanaǵa tústi.

Oqıǵa 6 aqpan kúni tirkelgen. Samara-Shymkent avtojolynda júrgizýshiler tóbelesip qalady.

Tóbelestiń vıdeosy áleýmettik jelide tarady. Onda sheteldik alty júrgizýshi qazaqstandyqty jabylyp uryp, óltirip qoıǵany aıtylady. 

Oblystyq PD baspasóz qyzmetiniń habarlaýynsha, oqıǵa saldarynan bireýi jaralanyp, aýrýhanaǵa túsken. Eshkim jan tapsyrmaǵan. 

Qazir osy is boıynsha sotqa deıingi tergep-tekserý júrip jatyr.

Jábirlenýshini uryp, jaralaǵan kúdiktilerdiń biri ustalyp, ýaqytsha ustaý ızolıatoryna qamaldy.

Qalǵan kúdiktilerdi anyqtap, ustaý úshin shara qabyldanǵan.