20:32, 07 Aqpan 2024 | GMT +6
Aqtóbede boranda jolda qalǵan 131 adam jylytý beketine ornalastyryldy
AQTÓBE. KAZINFORM – Aqtóbe oblysynda birneshe aýdan ortalyǵyna 131 adam jetkizilip, jylytý beketterine ornalastyryldy. Qazirgi kezde joldar men kempıngterde 2 myńnan astam kólik bar.
Aqtóbe oblystyq TJD boranǵa baılanysty jolda qalǵan adamdar men olardy qutqarý jumysyn úzdiksiz júrgizip jatyr.
Oblys aýmaǵynda 7 respýblıkalyq jáne 6 oblystyq mańyzy bar avtokólik joldary jabyq.
Qarǵaly, Qobda, Áıteke bı, Alǵa aýdany ortalyqtarynda 131 adam, onyń ishinde 9 bala jylytý pýnktine ornalastyryldy.
— Sondaı-aq joldar jáne kempıngterde 2 myńnan astam avtokólik bar. Qazirgi ýaqytta adamdardy evakýatsııalaý jáne avtomobılderdi shyǵarý boıynsha avarııalyq-qutqarý jumysy júrgizilip jatyr, — dep habarlady oblystyq TJD baspasóz qyzmeti.
