Aqtóbede bopsalaýmen aınalysqan kolledj stýdentinen tapansha tabyldy

AQTÓBE. KAZINFORM - Alǵa aýdanynda kolledj stýdentteri óz qatarlastarynan aqsha bopsalaǵan. Kúdiktiniń birinen pnevmatıkalyq tapansha tárkilendi.

Aqtóbe oblystyq polıtsııa departamenti bopsalaýmen aınalysqan stýdentterdi ustady. Olar ózderi sekildi stýdentterdi qorqytyp, kúsh kórsetip, 100 myń teńge alǵan. 

- Kúdiktilerdiń biriniń turǵylyqty jerinen pnevmatıkalyq tapansha, «Toyota Rav4» markili avtokóliginen metall bıta men birneshe gaz qutysy bar qorap tabylyp, tárkilendi, - dep habarlady oblystyq PD baspasóz qyzmeti.

Taǵy bir derek boıynsha eki kúdikti ustaldy. Olar da stýdentti qorqytyp-úrkitip, nesıe rásimdeýge májbúr etken.

- Kolledj stýdentin 1 mln teńge nesıe rásimdeýge májbúrlegen. Bopsalaý faktileri boıynsha sotqa deıingi tergep-tekserý júrgizilip jatyr. Barlyǵy 5 kúdikti ustaldy, - dep habarlady habarlady oblystyq PD baspasóz qyzmeti.

Eske salsaq, byltyr Aqtóbede adamdardy bopsalaýmen aınalysqan joǵary oqý ornynyń stýdentteri ustaldy.