Aqtóbede bolashaq ushqyshtar oqý-jattyǵýyn bastady
AQTÓBE. QazAqparat – Talǵat Begeldınov atyndaǵy áýe qorǵanys kúshteri áskerı ınstıtýtynyń 100 kýrsanty jazǵy oqý-jattyǵýyna kiristi, dep habarlaıdy QazAqparat tilshisi.
Áskerı ınstıtýt kýrsanttary aerodromda, sonymen birge birneshe bólimde jattyǵý ótkizedi.
«Jazda tájirıbe jınaý, ushý ónerin úırený mańyzdy. Bul ár kýrsant ómirindegi eń jaýapty ári mańyzdy sát. Dál osy kezde olar naǵyz ushqysh ekenin sezinedi, biledi», - dedi Talǵat Begeldınov atyndaǵy áýe qorǵanys kúshteri áskerı ınstıtýty bastyǵynyń áskerı daıyndyq jónindegi orynbasary Asqar Іzbasov.
Áskerı ınstıtýt bazasyndaǵy barlyq tehnıka daıyndalyp, oqý-jattyǵýǵa ázirlendi. Sonymen birge jeke quramǵa jattyǵý jumystarynyń mán-mańyzy túsindirildi. Kýrsantter mamyr aıynyń sońynda bastalǵan oqý-jattyǵý jumysyn qyrkúıek aıynyń ortasynda aıaqtaıdy.
