Aqtóbede «Bolashaq» shahtasynda kenshilerdi kúıik shalyp, jumys ýaqytsha toqtatyldy

AQTÓBE. KAZINFORM – Hromtaý aýdanyndaǵy «Bolashaq» shahtasynda qysqa merzimdi tuıyqtalý bolyp, 4 jumysshyny kúıik shaldy. Qazirgi kezde osy shahtada ken óndirý jumystary toqtatyldy.

Aqtóbe oblysy Hromtaý aýdanyndaǵy Dóń taý-ken baıytý kombınatyna qarasty «Bolashaq» shahtasynda tótenshe oqıǵa tirkeldi. 

- Ken óndirý blogynda burǵylaý jumystaryn júrgizý kezinde aýa keńistiginiń qysqa merzimdi tutanýy paıda boldy. Saldarynan tórt adamdy kúıik shalyp, aýrýhanaǵa jetkizildi. Zardap shegýshilerge barlyq qajetti medıtsınalyq kómek kórsetiledi. Sebepteri anyqtalyp, joıý jumystary aıaqtalǵansha shahtadaǵy ken óndirý jumystary toqtatyldy,- dep habarlady «Qazhrom» TUK» AQ baspasóz qyzmeti. 

Aqtóbe oblystyq eńbek ınspektsııasy jónindegi departamentke áli resmı habarlama túspedi. Inspektsııa basshysynyń orynbasary Talǵat Iskarınniń aıtýynsha, aldymen habarlama túsedi. Keıin komıssııa qurylyp, onyń quramy bekitiledi. Bul bıyl óndiriste bolǵan alǵashqy tótenshe jaǵdaı.

Eske salsaq, 17 aqpan kúni Ulytaý oblysy Jańaarqa aýdanynda ornalasqan «Qazaqmys korporatsııasy» JShS-nyń «Jomart» kenishinde apat boldy.  Ulytaý oblysy TJD úıindilerdiń arǵy jaǵynda qalǵan jumyskerlerdiń tizimin jarııalady.