Aqtóbede bolashaq dárigerler blokposttarǵa kezekshilikke shyqty
AQTÓBE. QazAqparat – M.Ospanov atyndaǵy Batys Qazaqstan memlekettik medıtsına ýnıversıtetiniń dáriger-rezıdentteri blokposttarǵa kezekshilikke shyqty, dep habarlaıdy QazAqparat tilshisi.
Aqtóbe qalasyndaǵy iri tasjoldar boıynda 7 blokpost bar. M.Ospanov atyndaǵy Batys Qazaqstan memlekettik medıtsına ýnıversıtetiniń dáriger-rezıdentteri úsh aýysymmen kezekshilik uıymdastyrdy. Ár blokpostta eki dáriger bar, olar aýysymda 24 saǵat jumys isteıdi. ıAǵnı, dáriger-rezıdentter eki kún demalyp, bir táýlik polıtsııa men áskerı qyzmetkerlermen teń eńbek etedi.
«Bul jan-jaqty oılastyrylǵan sheshim. Eki adam bir blokpostta bolsa, biri jumys istep, ekinshisi tynyǵady, tamaqtanady. Basty tapsyrma – qyzýyn ólsheý, júrgizýshi men jolaýshylar arasynda saýalnama júrgizý. Eger qyzýy kóterilip, jótelip tursa, birden taýarlar men kórsetiletin qyzmetter sapasy men qaýipsizdigin baqylaý departamenti mamandaryna habar berip, tapsyrady. Joǵary oqý oryn dáriger-rezıdentter, eriktiler qaýipti aýmaqta jumys isteı alady dep esepteıdi. Olar maska, qolǵap, kózildirik, bir rettik qorǵanysh kıimi jáne termometrmen qamtamasyz etildi», - dedi ýnıversıtet baspasóz qyzmetiniń jetekshisi Aımyrza Jamanqulov.
Aıta keteıik, óz kezeginde JOO olardyń yntalandyrý jumystaryn júrgizedi. Sonymen qatar erikti dáriger-rezıdentter tizimin Aqtóbe oblystyq densaýlyq saqtaý basqarmasyna, Densaýlyq saqtaý mınıstrligine beredi.
