Aqtóbede bógetter men sý toǵandaryna jaýapty basshy qyzmetinen ketti
AQTÓBE. KAZINFORM – Aqtóbe oblystyq tabıǵı resýrstar jáne tabıǵatty paıdalanýdy retteý basqarmasynyń basshysy Sábıt Dúısekenov qyzmetinen ketti. Kóp uzamaı ol bıyl kóktemde sýǵa ketken Qobda aýdanyna ákimniń orynbasary qyzmetine taǵaıyndaldy.
Aqtóbe oblystyq tabıǵı resýrstar jáne tabıǵatty paıdalanýdy retteý basqarmasynyń basshysy Sábıt Dúısekenov óz erkimen jumysynan ketti. Birden konkýrsqa túsip, aýdan ákiminiń orynbasary qyzmetine taǵaıyndaldy.
- 2024 jyldyń 22 shildesinde B korpýsynyń bos memlekettik ákimshilik laýazymdaryna ornalasýǵa konkýrs komıssııasynyń oń nátıjesin alǵan kandıdattar tizimi shyqty. Komıssııa sheshimimen Sábıt Dúısekenovtiń kandıdatýrasy Qobda aýdany ákiminiń orynbasary laýazymyna taǵaıyndaýǵa usynyldy. 23 shilde kúni atalǵan kandıdat usynylǵan laýazymǵa taǵaıyndaldy,- dep habarlady Aqtóbe oblysy ákiminiń baspasóz qyzmeti.
Sábıt Dúısekenov áleýmettik jelidegi paraqshasynda bul qyzmetti úlken tájirıbe jınaǵanyn aıtty.
- Tabıǵı resýrstar jáne tabıǵatty paıdalanýdy retteý basqarmasy basshysynyń qyzmetinde birlesken jumystardyń nátıjesinde jańa tájirıbe aldym. Osy ýaqyt ishinde maǵan júktelgen senimdi aqtaýǵa jáne ashyq bolýǵa, jumysta tıimdi bolýǵa tyrystym. Ómirimniń osy mańyzdy kezeńinde sizderdiń, ákimdiktiń búkil ujymynyń, azamattyq qoǵamnyń qoldaýyna alǵysymdy bildiremin. Sondaı-aq, ashyq sóılep, syn aıtqan qoǵam qaıratkerleri men belsendilerge jáne jańalyqtarymyzdy jarııalaǵan jýrnalısterge de eńbekteri úshin alǵys aıtamyn,- dep jazdy ol.
Aıta keteıik, bıylǵy kóktemgi sý tasqyny kezinde Aqtóbede 15 bóget buzyldy. Úsheýi byltyr ǵana qoldanysqa berilip, syr bergen. Olar Áıteke bı aýdanyndaǵy «Şerbakov», «Tereńsaı» jáne Alǵa aýdanydaǵy «Kósem» bógetteri. Qazirgi kezde «Kósem», «Tereńsaı» bógetterin merdiger mekemeler qalpyna keltirip jatyr. Al «Şerbakov» bógetine qatysty qozǵalǵan qylmystyq is áli tergeýde. Sondyqtan munda jumys toqtap tur. https://kaz.inform.kz/news/su-taskini-aktobede-buzilgan-bogetter-zhondele-me-42f55f/ Aqtóbe oblysynyń ákimi Ashat Shaharov jınalysta bógetterdi qalpyna keltirý jumystaryn baıaý júrgizgen basqarmasy basshysy Sábıt Dúısekenovke qyzmetin ornyn bosatýdy, ózge jumysqa aýysýdy surady.
