Aqtóbede Bógenbaı batyrdyń eskertkishin salý jumystary bastaldy
AQTÓBE. QazAqparat - Aqtóbede áıgili qazaq batyrlarynyń biri - Bógenbaıǵa eskertkish ornatý jumystary bastaldy. Eskertkish áýejaı mańynda jergilikti jáne Qazaqstannyń ózge de óńirlerindegi kásipkerlerdiń qarjysyna salynbaqshy, dep habarlaıdy QazAqparat Aqtóbe oblysy ákimdiginiń baspasóz qyzmetine silteme jasap.
Qurylys júretin alańdy oblys ákimi Berdibek Saparbaev kelip kórdi.
«Іrgesi granıtten turǵyzylyp, músini qoladan jasalǵan eskertkishtiń bıiktigi 16 metrden asady. Eskerkishtiń quny 150 mln teńgeden kóp. Eskertkishtiń artyna Bógenbaı batyr qol bastaǵan, qazaqtyń úsh júziniń basy birikken tarıhı kezeńderdi beıneleıtin panorama qoıylady. Eskertkishte batyr qolyna semser emes qazaq ulttyq áskeriniń týyn ustap turady»,-dedi Eskertkish qurylysy jónindegi qoǵamdyq keńestiń basshysy Málik Jákeev.
Eskertkishtiń mańyndaǵy 1,5 gektar jer kógaldandyrylyp, onda balalar jáne sport alańdary, kólikter turaqtaıtyn oryn salynady. Al bul maqsatqa qarjyny jergilikti bılik bóledi.
