Aqtóbede blokposttardy aınalyp ótpek bolǵan adamdar kóbeıdi
AQTÓBE. QazAqparat – Aqtóbede 218 tótenshe jaǵdaı rejımin buzý deregi tirkeldi. Blokpostty aınalyp júrmek bolǵan júrgizýshiler qatary artty, dep habarlaıdy QazAqparat tilshisi.
Ákimshilik quqyqbuzýshylyq týraly kodekstiń «TJ rejımin buzý» baby boıynsha 200 derek tirkeldi. Onyń ishinde 39 adam qamalyp, 103-ne aıyppul salyndy. 13 eskertý berilip, 57 materıal sotqa jiberildi. Al osy Kodekstiń «TJ jaǵdaıynda quqyq tártibin buzýǵa ıtermeleıtin is-áreketter» baby boıynsha 18 zańbuzýshylyq anyqtaldy. Onyń ishinde 11-ne aıyppul salyndy, 6 adam qamaldy, bir materıal sotqa jiberildi.
«Azamat blokposttardy aınalyp ótpek bolyp jatyr. Mundaı 13 derek anyqtaldy. Onyń ishinde 4 adam qamalyp, bireýine aıyppul salyndy. Taǵy 8 materıal sotqa jiberildi. Sonymen birge polıtsııa qyzmetkerleri volonterlermen birge kún saıyn qala kósheleri men aýlalardy baqylap júr. Karantın engizilgen sátten bastap tótenshe jaǵdaı rejımin buzýdyń 40 faktisi tirkeldi. Arnaıy ruqsaty joq 8 adam qamaldy, bireýine aıyppul salyndy. Polıtsııa departamenti qala turǵyndaryn túsinistikpen qarap, úıden shyqpaýǵa keńes beredi», - dedi oblystyq PD baspasóz qyzmetiniń jetekshisi Erbolat Sarqulov.
