Aqtóbede blokpost arqyly jasyryn adam tasymaldaǵandar ustaldy
AQTÓBE. QazAqparat – Aqtóbede dári-dármek tasymaldaıtyn kólik ıesi Aqtóbe-Oral baǵytynda jasyryn adam tasymaldaǵan, dep habarlaıdy QazAqparat tilshisi.
Aqtóbe oblysynyń PD qyzmetkerleri jasyryn qalaaralyq tasymaldaýmen aınalysqan júrgizýshini anyqtady. Aqtóbe qalasynyń Qobda baǵytyndaǵy №1 blokpostta «Honda-Elıýzıon» kóligi toqtatyldy. Onda júrgizýshiden bólek taǵy tórt jolaýshy bolǵan.
«Tekserý barysynda avtokólik júrgizýshisi farmatsevtıka kompanııasynyń ókilimen Aqtóbe qalasynan Oral qalasyna dárilik zattardy tasymaldaǵany anyqtaldy. «Indraıver» qosymshasynyń kómegimen júrgizýshi jáne farmatsevtıka kompanııasynyń ókili Aqtóbege jolaýshy jınap, tasymaldaǵan. Tórt jolaýshyǵa ÁQBtK-niń «Tótenshe jaǵdaı rejımin buzý» baby boıynsha ákimshilik hattama toltyryldy. Al júrgizýshige ÁQBtK-niń «Tótenshe jaǵdaı kezinde qoǵamdyq tártipti buzýǵa ıtermeleıtin áreketter» baby boıynsha hattama toltyrylyp, materıaldar sheshim qabyldaý úshin Aqtóbe qalasynyń mamandandyrylǵan ákimshilik sotyna jiberildi», - dedi oblystyq PD baspasóz qyzmetiniń jetekshisi Erbolat Sarqulov.
