Aqtóbede blok beketterdiń jan-jaǵy túgel qazyldy
AQTÓBE. QazAqparat – Aqtóbede blok beketterdiń jan-jaǵy túgel qazylyp, joldaǵy shekteý kúsheıdi, dep habarlaıdy QazAqparat tilshisi.
Aqtóbe oblysynda tótenshe jaǵdaı rejimin buzǵan 87 derek tirkeldi. Ákimshilik quqyqbuzýshylyq týraly kodekstiń «Tótenshe jaǵdaı rejimin buzý» baby boıynsha 9 adam qamaldy. Al 32 adamǵa aıyppul salynyp, tórteýine eskertý berildi.
«Tártip buzǵandar arasynda 30 dúken, 25 dámhana, bar, 6 monsha, 4 býkmekerlik keńse, 1 kempıng, 1 demalys bazasy, 1 fıtnes klýb, 2 kólik jýý orny bar. QR ÁQBtK-niń 476-baby boıynsha kólik jýý ornynyń ıesine 10 AEK aıyppul salyndy. Sonymen birge dámhana saǵat 22:00-den keıin jumys istegen. Mekeme ıesine 26 500 teńge aıyppul salyndy. Joldaǵy qaýipsizdik sharasyn kúsheıtý úshin barlyq blok beket mańy qazyldy. Polıtsııa men áskerı qyzmetkerler táýlik boıy kúzetip tur», - dedi oblystyq PD baspasóz qyzmetiniń jetekshisi Erbolat Sarqulov.
