Aqtóbede bıyl kólikti mas kúıinde aıdaǵan 1,2 myńdaı júrgizýshi ustaldy

AQTÓBE. QazAqparat - Polıtsııa qyzmetkerleri bıyl 10 aıda alkogol jáne esirtkige mas kúıde kólik júrgizgen 1 240 júrgizýshini anyqtady, dep habarlaıdy QazAqparat tilshisi.

Aqtóbede patrýldik polıtsııa qyzmetkerleri joldaǵy qaýipsizdikti nazardan tys qaldyrmaıdy. Kezekti reıd kezinde qaladaǵy I.Taımanov kóshesinde jol qozǵalysy erejesin buzǵan Volkswagen avtokóligin toqtatty. 45 jastaǵy júrgizýshiden ishimdiktiń ıisi shyqqan soń birden tekserýge jibermek boldy. Biraq ol medıtsınalyq tekserýden ótýden bas tartty. Sonymen qatar, júrgizýshiniń buryn kólikti basqarý quqyǵynan aıyrylǵany anyqtaldy.
«Qylmystyq kodekstiń «mas kúıinde kólik quraldaryn basqarý quqyǵynan aıyrylǵan adamnyń kólik quralyn basqarýy» baby boıynsha tergeý júrgizilip jatyr. Avtokólik arnaıy turaqqa qoıyldy. Júrgizýshi Aqtóbe qalasy polıtsııa basqarmasynyń ýaqytsha ustaý ızolıatoryna qamaýǵa alyndy. Jalpy bıyl 10 aıda alkogoldik jáne esirtkilik mas kúıinde kólik quraldaryn júrgizgen 1 240 júrgizýshini anyqtaldy»,- dedi oblystyq PD baspasóz qyzmetiniń jetekshisi Erbolat Sarqulov.
Aıta keteıik, medıtsınalyq tekserýden ótýden bas tartsa bul ákimshilik quqyq buzýshylyq bolyp esepteledi. Tipti QR Ákimshilik quqyq buzýshylyq týraly kodeksiniń 613-babynyń 4-bóligine sáıkes kólikti basqarý quqyǵynan 2 jylǵa deıin aıyrý jazasy kózdelgen.