Aqtóbede bıyl esirtkige táýeldi 8 adam artyq dozadan kóz jumdy

AQTÓBE. QazAqparat – Bıyl óńirde 8 adam esirtkini shamadan tys qoldanyp, kóz jumdy. Bul ótken jylmen salystyrǵanda 25% kóp, dep habarlaıdy QazAqparat tilshisi.

Aqtóbe oblystyq prokýratýrasy baspasóz qyzmetiniń habarlaýynsha, artyq dozadan kóz jumǵan adam sany arqan. Qazirgi kezde oblystyń narkologııa dıspanseri esebinde 1786 adam, onyń ishinde 117 áıel tirkeýde tur. Al ekeýi kámelet jasqa tolmaǵan bala.

«Bıyl eskirtkige qatysty 300-den astam qylmystyq quqyqbuzýshylyq tirkeldi. Ótken jylmen salystyrǵanda 34,8% ósti. Onyń ishinde 148 qylmystyq is sotqa joldandy. Turǵyn úıdiń qabyrǵasyna 12 jarnama jazylǵan. Arnalardy belgileýde osy ádis qoldanylyp júr. Osyǵan baılanysty esirtki jarnamasy tekserilip, anyqtaldy. Qala boıynsha qabyrǵalardan 20-dan astam jazba óshirildi. Mysaly Astana aýdanynyń №1 qalalyq polıtsııa bólimi Qylmystyq kodekstiń 297-baby 4-bóligi jáne 262-baby boıynsha sotqa deıingi tergep-tekserý júrgizdi. Qylmystyq top qurdy degen aıyppen 6 kúdikti ustalyp, sot úkimimen toptyń barlyq múshesine 16 jyldan 17 jylǵa deıingi merzimge bas bostandyǵynan aıyrý jazasy taǵaıyndaldy», - dep habarlady oblys prokýratýrasynyń baspasóz qyzmeti.