Aqtóbede bıyl 850 myń sharshy metr turǵyn úı salynady
Aqtóbe oblysynyń ákimi Berdibek Saparbaev qurylys kompanııalarynyń basshylaryn jınap, kóshpeli jıyn ótkizdi. Bıyl 850 myń sharshy metr turǵyn úı salýdy josparlap otyrǵan óńir úshin qurylystyń mańyzy joǵary. Ári «Nurly jer» baǵdarlamasy aıasynda salynatyn úıdiń sapasy talapqa saı bolýy tıis.
«Ótken jyly jaqsy jumys atqaryldy. Bıyl odan da jaqsy da jumys isteý kerek. Óıtkeni bizdiń mindetimiz - odan da kóp úı turǵyzý. Óz kezeginde biz sizderdi aqsha, ınfraqurylym jáne qurylys materıaldarymen qamtamasyz etemiz, - dedi oblys ákimi Berdibek Saparbaev. Al qurylysshylar sapaly turǵyn úı salýy tıis. «Turǵyndar shaǵymdanǵan barlyq kemshilikter óz ýaqytynda joıylýy kerek», - dep tapsyrdy oblys basshysy.
Keıin «Nur Aqtóbe» yqsham aýdanyndaǵy 900 oryndy orta mekteptiń, jylý qazandyǵynyń jumysymen tanysty. Turǵyn úı alabynyń damýy men turǵyndardyń kóbeıýine baılanysty ótken jyldyń qarasha aıynda qýattylyǵy 96 Gkal bolatyn qazandyqty keńeıtý bastaldy. Jylý berý nysany jańa jylý maýsymyna deıin paıdalanýǵa beriledi dep josparlanýda.
Óńir basshysy Berdibek Saparbaev Energııany tıimdi paıdalaný ortalyǵyna da bardy. Joba uzaq merzimdi qurylys nysandarynyń biri boldy. 2016 jylǵy jeltoqsanda ǵımarat respýblıkadan oblys ákimdiginiń kommýnaldyq menshik balansyna kóshirildi. Qazirgi ýaqytta joba aıaqtalý satysynda tur.
Sonymen qatar, munda «Halyqtyq keńse», Іshki ister departamentiniń jedel basqarý rezervtik ortalyǵy bolady.
Aqtóbe oblysy ákiminiń baspasóz qyzmetiniń habarlaýynda, bul aýmaqta Eset batyr Kókiulynyń eskertkishin ornatylady. Eskertkish aınalasy demalys ornyna aınalady.
