Aqtóbede bıyl 30 shaqyrym jol jóndeýden ótedi

AQTÓBE. QazAqparat - Aqtóbede jol salý jáne jol jóndeý boıynsha quny 2,5 mlrd teńgeni quraıtyn 19 joba júzege asyrylady. Bul týraly Aqtóbe qalasynyń ákimi Іlııas Ispanov aıtty, dep habarlaıdy QazAqparat óńirlik kommýnıkatsııalar qyzmetine silteme jasap. 

Onyń aıtýynsha, aǵymdaǵy jyly tutastaı alǵanda 30 km-ge jýyq jol jóndelip, kópirler men jaıaý júrginshiler joly salynady.

«Jumys kóleminiń úlkendigin, sondaı-aq, obektilerdiń kúrdeliligin eskere otyryp, barlyq jumystar ádettegi merziminen erte bastaldy. Kóptegen obektilerge tehnıka sáýir men mamyrda jetkizildi. Jumysqa 8 merdigerlik uıym tartyldy», - dedi Іlııas Ispanov.

Oblys ortalyǵynda Týrgenev kóshesin Ǵ.Jubanova kóshesimen qosatyn avtojoldy qaıta jaraqtandyrylýda. Jalpy alǵanda, 5,7 km avtojoldy qamtý josparlanyp otyr.

3 jaıaý júrginshiler joly salynyp jatyri. Odan basqa, jol qozǵalysyn basqarýdyń avtomattandyrylǵan júıesi jańartylýda. Onyń kómegimen qalanyń kóshe-jol jelisindegi kólik aǵyny men baǵdarsham nysandaryn retteýge bolady. Qazirgi ýaqytta jol qozǵalysyn basqarýdyń avtomattandyrylǵan júıesine 87 baǵdarshamnyń 65-i nemese 75%-y qosyldy.

Іlııas Ispanov jol-kólik qozǵalysy buzýshylyqtaryn onlaın tirkeýge múmkindik beretin, avtokólik aǵynyn jáne tutastaı alǵanda, qalanyń qaýipsizdigin baqylaıtyn «Smart sıtı» beıne baqylaý júıesin ornatý jóninde de áńgimeledi.