Aqtóbede birneshe jol jabyldy
AQTÓBE. QazAqparat – Aqtóbede oblysynda birneshe baǵytta jol jabyldy, dep habarlaıdy QazAqparat tilshisi.
Aqtóbe oblystyq tótenshe jaǵdaılar departamentiniń habarlaýynsha, jeldiń jyldamdyǵy 15-20 sek/metrge jetti. Qazirge kezde boran saldarynan birneshe baǵytta jol jabyldy.
«Shubarqudyq-Sol Iletsk, Pokrovka-Embi, Aqtóbe-Bolgarka-Shubarqudyq baǵytyndaǵy joldar jabyq. Jel kúsheıdi, boran soǵyp tur», - dedi oblystyq TJD baspasóz qyzmeti.
Buǵan deıin jolda qaýipsizdikti qamtamasyz etý maqsatynda «Qaýipsiz jol» respýblıkalyq jedel aldyn alý is-sharasy ótkizildi. «Samara-Shymkent» respýblıkalyq mańyzy bar trassasynyń 765 shaqyrymynda «QazAvtoJol» UK AQ, «Qazaqavtojol» JShS jáne oblystyq densaýlyq saqtaý basqarmasy ókilderiniń qatysýymen «Joldaǵy qabyldaý» aktsııasy ótkizildi.
Oblystyq polıtsııa departamentiniń qyzmetkerleri júrgizýshilerge jol erejesin túsindirip, qaýipti aımaqtarda saq bolýǵa shaqyrdy, Arnaıy jadynamalar taratty. Polıtsııa qyzmetkerleri qys mezgilinde jolda qalǵan júrgizýshiler úshin shuǵyl shaqyrý nómiri kórsetilgen taqtaıshalar ornatty.
Aıta keteıik, jyl basynan beri «Samara Shymkent» avtojolynda 4 jol-kólik oqıǵasy tirkelip, 4 adam qaza tapty, 5 adam jaraqat aldy.
