Aqtóbede birneshe aýyl jaryqsyz qaldy
14-17 sáýir kúnderi aralyǵynda birneshe aýylda elektr togy bolmady. Aqtóbe oblystyq energetıka jáne turǵyn úı - kommýnaldyq sharýashylyq basqarmasynyń basshysy Erjan Muzdybaevtyń aıtýynsha, keshe túste Shalqar aýdanynyń birneshe aýyly jaryqsyz qalyp, búgin qaıta qalpyna keltirildi.
Atap aıtsaq, Bershúgir, Sarsaı, Alabas, Aqtoǵaı, Aóńke bı, Qorǵanjar, Aqtan batyr, Begimbet, Eset ata, Baıqadam, Alaqozy, Aqqaıtym, Qopasor jyltyr, Toǵyz, Shilikti, Shalqarda barlyǵy 11 955 úı, onyń ishinde 36 myńǵa jýyq adam bar. Sonymen birge Yrǵyz aýdanynyń 15 aýyly da jaryqsyz qalyp, úsh aýyldan ózgesinde jóndeý jumysy aıaqtaldy.
«Mártók aýdanynda 20 aýylda, Áıteke bı aýdanynda 8 aýylda jaryq joq. Qazir Áıteke bı aýdanynyń bir aýylyna jaryq berildi. Al Qobda aýdanynda bir aýyl elektr togynan ajyratylǵan. Hromtaý aýdanynda 6 aýylda qalpyna keltirý jumysy júrgizilip jatyr. Úsheýinde jumys aıaqtaldy. Al Muǵaljar aýylynyń bir aýylynda jaryq joq. Búgin barlyq aýdan, aýylǵa jaryq beriledi. Barlyǵy 50 brıgadada 217 adam jumys istep jatyr. Olarda 66 arnaıy tehnıka bar. Bul jaǵdaıǵa qatty jel men elektr jetkizý jelisiniń qatyp qalýy sebep boldy. Baǵanalarǵa zaqym keldi»,- dep habarlady oblys ákiminiń baspasóz qyzmeti.
Eske salsaq, Aqtóbede boran bolyp, jolda qalǵan birneshe adam qutqaryldy.
