Aqtóbede birqatar sala jumysyn osy aptada bastaýy múmkin
AQTÓBE. QazAqparat – Aqtóbe qalasynda shaǵyn jáne orta bıznestiń jumysy osy aptada qaıta jandanýy múmkin, dep habarlaıdy QazAqparat tilshisi.
«Aqtóbe oblysynda epıdemıologııalyq jaǵdaı turaqty bolǵanymen kórshiles Qyzylorda, Atyraý oblysynda indet juqtyrǵandar sany kún ótken saıyn artyp barady. Sondyqtan blokpostty nyqtap, karantın engizilgen bolatyn. ıAǵnı, shekteý bar, qalaǵa tek azyq-túlik pen medıtsınalyq zattar kirgizilip jatyr. Turǵyndar da karantınniń engizilgenin durys dep sheshti. Bári úshin aldymen densaýlyq qymbat. Arasynda kásibi toqtaǵandardyń renishi bolǵanyn jasyrmaımyz. Qazir shekteý sharalaryn azaıtý, kásiptiń keıbir túrine jumys isteýge múmkindik berýdi josparlap otyrmyz. Kólik jýý oryndary jumysyn bastady», - dedi oblystyq taýarlar men kórsetiletin qyzmetter sapasy men qaýipsizdigin baqylaý departamentiniń basshysy Nursulý Berkimbaeva jergilikti arnada ótken tikeleı efır kezinde.
Oblystyq shtab aldaǵy ýaqytta birinshi kezekte qaı salanyń jumysy jandanatynyn sheshedi.
«15 sáýir kúni taǵy bir qaýly shyǵýy múmkin. Sol kezde iske qosylatyn mekemeler tizimi belgili bolady. Blokpost óte qajet dúnıe. Koronavırýs ınfektsııasy dereginiń turaqtylyǵy jumystyń júıeligi, sheshimniń dáldigi dep bilemiz. Elde indettiń tirkelýi sharyqtaý shegine jetken joq. Sondyqtan arqany keńge salýǵa bolmaıdy. Bári eskeriledi. Máselen, shashtaraz, sulýlyq salony ekinshi kezeńde iske qosylýy múmkin. Bul 20-23 sáýir aralyǵy bolýy yqtımal. Qazir stomatologııa kabınetteri jumys istep tur», - dedi Nursulý Berkimbaeva.
