Aqtóbede bir jasar bala koronavırýs juqtyrdy
AQTÓBE. QazAqparat – Aqtóbede maýsym aıynda 47 adam ókpe qabynýy dertinen kóz jumdy, dep habarlaıdy QazAqparat tilshisi.
Bir táýlikte Aqtóbe oblysynda 28 adamnan koronavırýs ınfektsııasy anyqtaldy.
Іndetke shaldyqqandardyń arasynda Temir, Áıteke bı, Yrǵyz aýdandarynyń turǵyndary bar. 1 jasar bala da indetke shaldyǵyp, aýrýhanaǵa tústi. Basym bóligi jedel respıratorlyq vırýstyq ınfektsııa belgilerimen medtsınalyq kómekke júgingen. Qazirgi ýaqytta patsıentter ınfektsııalyq aýrýhanaǵa oqshaýlandyryldy, naýqastardyń jaǵdaılary qanaǵattanarlyq, hattamaǵa sáıkes tıisti em qabyldaýda. Olarmen qarym-qatynasta bolǵan adamdar medıtsınalyq baqylaýǵa alyndy. Sonymen birge óńirde qazir 2 myńnan astam adam úı karantıninde. Ókinishke qaraı demalys kúnderi 3 adam kóz jumdy.
«Óńirde 47 adam ókpe qabynýy dertinen kóz jumǵan. Qazir provızorlyq statsıonarda 1 myńǵa jýyq adam em qabyldap jatyr. Olardyń 27-i jansaqtaý bóliminde. Naýqastardyń 10-y jasandy tynys alý apparatyna qosylǵan. Oblysta 800-den astam adam kúndizgi statsıonarda em qabyldap jatyr», - dedi oblys ákiminiń densaýlyq saqtaý salasy jónindegi keńesshisi Áset Qalıev.
