Aqtóbede bir táýlikte 100-ge jýyq qylmys ashyldy
«Quqyqtyq tártip» jedel aldyn alý sharasynyń maqsaty – qoǵamdyq tártipti saqtaý, kóshelerde jáne basqa da qoǵamdyq oryndarda qylmystyń aldyn alý, jolyn kesý.
Barlyǵy 138 qylmys tirkeldi. Bir táýlikte 92 qylmys ashylsa, onyń 42-i buryn tirkelgen qylmys.
Sondaı-aq, izdeýde júrgen 3 adam ustaldy.
«Nóldik tózimdilik» sharasy aıasynda 1590 ákimshilik quqyq buzýshylyq anyqtaldy. Іshimdik ishkender men otbasynyń berekesi qashyryp, áıeline qol jumsaǵandar, tynyshtyqty buzǵandar ýaqytsha qamaldy. Sonymen qatar, 1780 jol qozǵalysy erejesin buzý deregi tirkeldi. Onyń ishinde mas kúıinde avtokólikti basqarý – 60, qarsy jolaqqa shyǵý – 62, jaıaý júrginshilerge jol júrýde artyqshylyq bermeý – 223, jaıaý júrginshilerdiń qozǵalys erejelerin buzýy boıynsha – 1453», - dedi oblystyq PD baspasóz qyzmetiniń jetekshisi Erbolat Sarqulov.