Aqtóbede bir mekteptiń 5 oqýshysy men muǵalimderinen koronavırýs anyqtaldy
AQTÓBE. QazAqparat – Aqtóbe orta mektebiniń muǵaliminen koronavırýs anyqtalyp, karantın kezinde taǵy 5 oqýshy men muǵilimniń dertke shaldyqqany anyqtaldy, dep habarlaıdy QazAqparat tilshisi.
«Aqtóbe orta mektebiniń muǵaliminen koronavırýs ınfektsııasy anyqtaldy. Qarym-qatynasta bolǵan adamdar 18-29 qańtar aralyǵynda karantınde boldy. Barlyǵy 47 oqýshy men 15 pedegog úı karantınine jatqyzyldy. Alǵash kezde PTR synama teris nátıje kórsetkenimen arada 12 kún ótken soń 5 oqýshy men taǵy bir muǵalimnen COVID-19 anyqtaldy», - dedi oblystyq sanıtarııalyq-epıdemıologııalyq baqylaý departamentiniń basshysy Nursulý Berkimbaeva.
Dezınfektsııa jumystary júrgizildi. Oqýshylar karantınde, olar onlaın sabaǵyn jalǵastyryp jatyr. Qazirgi ýaqytta mekteptegi sanıtarlyq jaǵdaı qatań baqylaýda.
