Aqtóbede bir mektep karantınge jabyldy
AQTÓBE. QazAqparat – Aqtóbe oblysy, Shalqar aýdanynda bir mektep karantınge jabyldy, dep habarlaıdy QazAqparat tilshisi.
Aqtóbe oblysy boıynsha qazir 1 mektep karantınge jabyldy. Oblystyq bilim basqarmasy basshysynyń orynbasary Gúlnaz Súleımenovanyń aıtýynsha, Shalqar aýdanyndaǵy 7-synyp oqýshysynan SOVID-19 anyqtaldy. Munda bilim alyp júrgen oqýshylardyń bári qashyqtan oqýǵa kóshti.
«Oblystyń bilim salasy boıynsha barlyǵy 18 adamnan koronavırýs ınfektsııasy anyqtaldy. Bireýi Shalqar aýdanynyń oqýshysy. Sonymen birge 10-y pedagog, úsheýi tehnıkalyq qyzmetker. Tórteýi balabaqshadaǵy tárbıelenýshisi. Bul bilim ordalarynda dezınfektsııa jumystary júrgizildi», - dedi Gúlnaz Súleımenova.
Aıta keteıik, qazir 226 mektep dástúrli formatta oqytyp jatyr. Onda 19 myńnan astam bala bilim alyp júr. Ózgesi qashyqtan bilim beredi. Óńirde 1-4 synyp oqýshylary ata-analarynyń ótinishimen keshekshi top ashylsa, kelesi aptada 5-synypqa da kezekshi synyp qosylady.
