Aqtóbede bir kúnde jyldamdyqty asyrǵan 100 júrgizýshi anyqtaldy
AQTÓBE. QazAqparat – Aqtóbe polıtsııasy «Qaýipsiz jol» aktsııasy kezinde jyldamdyqty asyrǵan 100 júrgizýshini anyqtady, dep habarlaıdy QazAqparat tilshisi.
Aqtóbede jol qozǵalysy qaýipsizdigin qamtamasyz etý maqsatynda «Qaýipsiz jol» jedel aldyn alý is-sharasy ótkizildi. Jyldamdyqty asyrǵan 100 júrgizýshi ákimshilik jaýapqa tyrtylsa, mas kúıinde rýlge otyrǵan 9 júrgizýshi jazalandy.
«Bir kúnde 500-den astam jol qozǵalysy erejesi buzyldy. Qarsy baǵytqa shyǵyp ketken 5 kólik ıesi men jaıaý júrginshige jol bermegen 29 júrgizýshi ákimshilik jazaǵa tartyldy. Sondaı-aq 86 júrginshi jol erejesin saqtamaǵany úshin aıyppul tóledi. Baǵdarshamdy eskermegender de boldy», - dep habarlady oblystyq PD baspasóz qyzmeti. Jedel aldyn alý is-sharasy aıasynda mototsıkl júrgizýshileri, sonyń ishinde kvadrotsıkl, mopedpen júrý kezinde erejeni saqtaýǵa erekshe nazar aýdaryldy.
