Aqtóbede bir kúnde joǵalǵan 2 oqýshy izdestirilip jatyr
AQTÓBE. QazAqparat -Aqtóbe qalasynda eki jasóspirim bala joǵalyp ketti, dep habarlaıdy QazAqparat tilshisi.
Aqtóbe qalasyndaǵy Máskeý shaǵyn aýdanynda turatyn eki jasóspirim bala mektepten soń úılerine oralmady. Qazir qaladaǵy eriktiler men olardyń ata-analary izdeý jumystaryn júrgizip jatyr.
«Keshe ulym qaryndasyn mektepke aparýǵa shyǵyp ketip, sodan úıge oralmady. Olar tańerteń saǵat 10:20-da úıden shyǵyp ketti. Buryn mundaı jaǵdaı bolmady. Birinshi ret qaıda ketkenin bilmeı otyrmyz. Mektepte uıaly telefon ustaýǵa tyıym salǵan edi. Múlde telefon ustamaıdy. Joramal da jasaı alar emespin», - dedi joǵalyp ketken Zagır ıÝsýpovtyń anasy Anjelıka Ionına.
Sonymen qatar, Máskeý aýdanynda taǵy bir bala joǵalyp ketti. Aleksandr Stepanovty da eriktiler izdep jatyr.
Olar Aqtóbe qalasynyń №12, 44 orta mektepterinde oqıdy. Eki balanyń ata-anasy polıtsııaǵa habar berip, jańalyq kútip otyr.
«Zakır ıÝsýpov keshe úıinen shyǵyp ketken. Boıy: 165-170 sm. Ústindi qara kúrteshe, qara kók bas kıim, sporttyq aıaq kıim bolǵan. Al Aleksandr Stepanov mektep kıimimen júrgen. Ekeýi de buryn úılerin tastap ketpegen.
Polıtsııa olardy kórgen adamdardyń myna telefondarǵa (87132) 72-91-02, 23-12-47, 102 jáne 98-45-44. habarlasýlaryn suraıdy.
