Aqtóbede bir kúnde mas kúıinde kólik júrgizgen tórt adam ustaldy
AQTÓBE. QazAqparat - Aqtóbede bir táýlikte mas kúıinde kólik júrgizgen tórt júrgizýshi ustaldy, dep habarlaıdy QazAqparat tilshisi.
Mas kúıinde kólik júrgizgenderdiń biri buǵan deıin júrgizýshi kýáliginen aıyrylǵan.
«Oblystyq PD patrýldik polıtsııa rotasynyń qyzmetkerleri Alǵa qalasyndaǵy № 5 mekteptiń janynda qoǵamdyq tártip pen azamattardyń qaýipsizdigin saqtaý úshin kezekshilik uıymdastyrdy. «Shevrole Aveo» avtokóligin toqtatty. Sol kezde 30 jastaǵy júrgizýshiniń mas kúıinde rýlge otyrǵany, buǵan deıin kólik quralyn basqarý quqyǵynan aıyrylǵandyǵy anyqtaldy», - dedi oblystyq PD baspasóz qyzmetiniń jetekshisi Erbolat Sarqulov.
Qylmystyq kodekstiń 346-baby 1-bóligi «Mas kúıinde kólik quraldaryn basqarý quqyǵynan aıyrylǵan adamnyń kólik quralyn basqarýy» boıynsha tergeý júrip jatyr. Osy bap boıynsha 5 myń aılyq eseptik kórsetkishke deıingi mólsherde aıyppul salýǵa ne sol mólsherde túzeý jumysyna, ne 1200 saǵatqa deıingi merzimge qoǵamdyq jumystarǵa tartýǵa, ne 5 jylǵa deıingi merzimge bas bostandyǵyn shekteýge, ne sol merzimge bas bostandyǵynan aıyrý túrindegi jaza kózdelgen.
Avtokólik arnaıy turaqqa qoıyldy. Júrgizýshi ýaqytsha ustaý ızolıatoryna qamaldy.
