Aqtóbede bir kúnde kólikti mas kúıinde aıdaǵan 10 júrgizýshi ustaldy

AQTÓBE. QazAqparat - Polıtsııa qyzmetkerleri jedel aldyn-alý sharasyn ótkizip, kólikti mas kúıinde júrgizgenderdi ustady, dep habarlaıdy QazAqparat tilshisi.

Júrgizýshiler arasynda jaýapkershilikti arttyrý jáne jol-kólik oqıǵalarynyń sanyn azaıtý maqsatynda jedel aldyn -alý sharasy ótti. Ári kólik júrgizý quqyǵynan aıyrylsa da rýlge otyrǵandar anyqtaldy.
«Polıtseıler bir kúnde 385 quqyqbuzýshylyqty anyqtady. Onyń ishinde kólik quralyn basqarý quqyǵynan aıyrylsa da rýlge otyrǵandar da tirkeldi. Júrgizýshi kýáligi joq 15 adam kólik aıdap júrgen. Sondaı-aq, bir kún ishinde oblys aýmaǵynda mas kúıinde kólik basqarǵan 10 júrgizýshi, jyldamdyqty arttyrýdyń 83 faktisi tirkeldi. 13 júrgizýshi qarama - qarsy baǵytqa arnalǵan jolaqqa shyǵyp ketti», - dep habarlady oblystyq PD baspasóz qyzmetiniń jetekshisi Erbolat Sarqulov.